A cidade contará co servizo do city tren, de balde para os viaxeiros. Así tanto a saída, como a chegada será na praza de Armas. Comeza o día 20 de decembro, só en horario de tarde de 17.00 a 20.30 horas e do 21 de decembro ao 4 de xaneiro, ambos incluídos, de 11.00 a 14.00 horas e de 17.00 a 20.00 horas, excepto os días 24 e 25 de decembro e 1 de xaneiro.

Realizará un percorrido circular con saída da praza de Armas, baixa pola rúa Terra ata Igrexa, subida por Rubalcava, continúa pola rúa Sol, baixa por Arce, segue por Igrexa ata a rúa Coruña e xira cara Irmandiños en dirección ao paseo da Mariña dando a volta na rotonda. A volta é polo paseo da Mariña dirección a Irmandiños, subida por Correos, rúa Igrexa, Rubalcava para finalizar na praza de Armas.

O día 24 de decembro o city tren participará na cabalgata de Papa Noel en Caranza, con saída dende o Centro Cívico as 12 horas, e realizará un percorrido polas rúas do barrio que rematará en Telleiras.